Mas Maraming Awesome na Benefits ang Work From Home, Kaya Pabor na Pabor Ako Diyan!

Naalala ko lang nong pinapa apply ako ng mommy sa Munisipyo dito sa amin. Sinagot ko siya na ayoko mag work doon, dagdag ko pa, gagawin lang nila akong errand girl dun. Eh ayaw ko ng pinag lalakad ako kung saan saan, lol. Di naman siguro masama maging choosy diga? Lol. Pero ang totoo, isa lang yan sa rason kung bakit ayaw ko mag work sa munisipyo. At ang pinakang rason talaga bakit ayaw ko dun is dahil, ang Munisipyo ang pinakamaraming tao sa earth, at allergy ako sa tao. Lol. Diyan maraming pumupunta na tao, at even though hindi naman ako ang haharap sa kanila, still, marami pa ring tao, at ayaw ko ng matao, lol.

Gusto ko talaga is, yong ipapasa nalang sakin via email ang tatrabahuin ko, tapos sa bahay ang setup ng working place ko. Katulad nga ng tinatawag nilang "Work From Home." Pabor na pabor ako diyan, kasi bakit hindi diba? Bukod sa makakapag trabaho ako sa desired na working place ko, di na ako magagastusan pa sa labas at masusuot ko ang gusto kong damit na never ko magagawa habang nagtatrabaho sa work place ko. Syempre, professional tayo, so dapat formal ang outfit. Samantalang kapag sa bahay lang, basta di required and face to face meeting via zoom, masusuot ko kahit pa mag duster ako diyan or mag burles. Diba napaka convenient nya? Lol.

At ito pa, kahit saan sa bahay ka pumwesto, pwedeng pwede. Kung gusto mo sa kwarto na madilim at mas tahimik then go, if gusto sa labas habang lumalanghap nang sariwang hangin, ay mas lalong pwede. Pwede din sa higaan, kapag pagod kanang umupo lang, lol. Mas maganda nga kapag may rooftop ang bahay at mas lalong magandang pwestuhan yan. Mas malakas ang hangin mas malakas din ang sagap sa wifi, ay sya, saan kapa diga? Lol.

At dahil kasama ko pa ang mga Oldies sa bahay, makakakain pa ako ng lutong bahay na ulam. Aba, ay diga't mas masaya kapag ganiyan? Basta ba di lang kakalimutan ang ambag sa bahay, at mas maginhawa ang life kapag work from home ako, lol. Ganitong klaseng setup talaga ang gusto ko ee. Although mas maganda din mag work sa big companies kasi nga diba may aircon, unlike sa bahay na e-fan lang, pero sapat sapat na sapat naman na ito. Mas malaki pa rin ang matitipid at mas peaceful pa rin kapag sa bahay, malalayo pati tayo sa mga Marites kapag nasa bahay lang. Lol.

Ikaw? Anong gusto mo? Work from home or dun talaga sa working place na mas mahal at tiring? Iyan yan ang pipiliin mo? Sinong rason bakit yaan at hindi ang work from home? Charrrr, pinangungunahan? Lol. Pero kidding aside? If sasagot kayo, go na. Pabor kaba sa wfh or nah?

Yun lang, bye bye!