Hive ဈေးခင်းကြီး စည်ပါစေ

မဂ်လာပါ မြန်မာဟိုက်အဖွဲ့သားများခင်ဗျား။

ဒီနေ့အတွက် ဟိုက်ဗ်ကွန်မြူနတီတစ်ခုလုံးမှ ဟိုက်ဗ်အဖွဲ့သားများအားလုံး ပျော်ရွှင်နေကြမည်၊ စိတ်ချမ်းသာနေကြမည်ဟု ထင်မိပါသည်။ ယနေ့ နံနက်ခင်းမှစ၍ ဟိုက်ဗ်တိုကင်ဈေးများ တက်လာလိုက်သည်မှာ သတင်းကောင်းတစ်ခုပင်။

မည်သို့အကြောင်းနှင့် မည်သည့်အချက်ရှိ၍ ကျွန်တော်များ ဟိုက်ဗ်ဈေးကွက်သည် လှုပ်ရှားတက်ကြွနေသည်ကိုတော့ ကျွန်တော်သေချာမသိပါချေ။ Trade ဈေးကွက်ကို ဈေးကစားနေကြသော မြန်မာဟိုက်ဗ် ပညာရှင်များက ပို၍သိကြမည်ထင်သည်။ မည်သို့ပင်ဆိုစေ တိုကင်အများတကာ အနီရောင်သန်းကာ နေကြချိန် ကျွန်တော်များ၏ ဟိုက်ဗ်မောင်မောင်က အစိမ်းတန်းဖြင့် မားကက်တွင် လူအများ စိတ်ဝင်စားဖွယ်ဖြစ်နေတော့သည်။

ယခုရက်ပိုင်းတွင် ဟိုက်ဗ်သည် သူ၏ဘလော့ချိန်းပေါ်တွင် အမျိုးမျိုးသော ချိတ်ဆက်မှုများ၊ တိုကင်အသစ်များ၊ ဂိန်းများနှင့် Crypto မားကက်များပေါ်တွင် လူသိရှင်ကြားတော်တော်လေး နာမည်ထွက်လာကာ လူကြိုက်များသော အဆင့်သို့ တက်လှမ်းနေသည်။ ထို့အတွက် သူ၏ ဈေးကွက်သည် ထူးထူးခြားခြားလှုပ်ရှားနေသလားလို့ပင် ထင်မိသည်။

ကျွန်တော်တို့လို Crypto လောကနှင့် ဗဟုသုတနည်းပါးသူများအတွက်ကတော့ ဆရာများလမ်းညွှန်သည့်လမ်းကို ယုံကြည်စွာလိုက်နေရပါသည်။ ကိုယ်တိုင်လည်း ထိုCryptoငွေကြေးများအကြောင်းနှင့် တိုကင်များအကြောင်း လိုက်လံဆည်းပူး လေ့လာမှတ်သားနေရပါသည်။

ဟိုက်ဗ်ဘလော့ချိန်းပေါ်တွင် လေ့လာလိုက်စားလေလေ မိမိအတွက် အကျိုးရှိစေသော တနည်းအားဖြင့် ဝင်ငွေတစ်ခုကို ဖြစ်စေသော အကြောင်းအရာများ အပြည့်ဖြစ်နေသည့် ဟင်းလေးအိုးကြီးပါလားဟု သိမြင်လာရပါသည်။

မြောက်များစွာသော တိုကင်များ၊ ဘလော့များ၊ ဝင်ငွေရစေသော ဘလော့ချိန်းဂိန်းများ၊ စာပေနယ်ပါယ်အသီးသီးမှ အကြောင်းအရာမျိုးစုံ စာရေးအုန်းမလား စုံလင်လှသော နယ်ပါယ်များစွာအား မိမိ၏ ဟိုက်ဗ်အကောင့်လေးတစ်ခု Wallet လေးတစ်ခုတည်းနှင့် အကုန်အစုံ ဆောင်ရွက်နိုင်နေသည်မှာ မဟာအခွင့်အရေးကြီးဖြစ်ပါသည်။ ထိုအခွင့်အရေးကို ကျွန်တော်တို့အားလုံး မိမိရရဆုပ်ကိုင်ကာ မိမိတို့ ဟိုက်ဗ်ပျိုးခင်းလေးများအား စိမ်းစိုလမ်းဆန်း တိုးတက်ကြီးပွားအောင် ဆောင်ရွက်လာနိုင်ကြသည်။

ထိုသည်မှ ဆက်လက်၍ ကျွန်တော်တို့၏ မြန်မာဟိုက်ကွန်မြူနတီကြီးသည် တဖြေးဖြေး တိုးတက် တောင့်တင်းသော အကောင့်ပိုင်ရှင်များ ဖြစ်လာတော့မည်ဟု ကျွန်တော်ယုံကြည်မိပါသည်။

ယခုဆိုလျင် ဟိုက်ဗ်ကိုမကြည့်ရ မနေနိုင်၊ တနေ့လျင်ပိုစ်တပုဒ်မတင်ရလျှင် အိပ်မပျော်စားမဝင်ဖြစ်နေကြသူများရှိလာပီဖြစ်သည်။ ကိုဟင်ပြောသလို ကျွန်တော်တို့သည် ဟိုက်ဗ်ဘိန်းဘင်းကဇော်အား စွဲလမ်းနေကြသူများဖြစ်၍နေပါပီ။ စွဲဆိုလဲ စွဲစရာမဟုတ်ပေဘူးလား။ စွဲလောက်သည့်အရည်အချင်းများနှင့်ပြည့်နေမှတော့ ကျွန်တော်တို့စွဲလန်းသည်မှာ မဆန်းပါချေ။

သို့ဖြစ်ပါ၍ ဟိုက်ဗ်ဘလော့ချိန်းကြီးနှင့်အတူ ဟိုက်ဗ်တိုကင် နှင့် ဆက်စပ်တိုကင်များသည် ဈေးကွက်တွင်နေရာများရကြ၍ တတ်နိုင်သည်ထက်ပိုကာ များများသာ ဈေးတက်ကြပါဟု လောဘကြီးကြီးဖြင့် ဆုတောင်းလိုက်ပါသည်။

ဟိုက်ဗ်ဈေးခင်းကြီး စည်ကားပါစေ။
အမိမြန်မာပြည်ကြီးလည်း အမြန်ငြိမ်းချမ်းပါစေ။