“အနာဂါတ်အတွက် အားဆေးတစ်ခွက်”

မဂႅလာပါ မြန်မာ-ဟိုဗ်အဖွဲ့သားများခင်ဗျာ။

ဒီနေ့အတွက် ကျနော်ဟာ အားလပ်ချိန်များနှင့် ပျော်နေမိပါတယ်။ ယမန်နေ့က ရပ်ကွက်အတွင်း အသက်လုပြေးခဲ့ရသည့်အဖြစ်သည် မမေ့နိုင်သောအဖြစ်တစ်ခုရှိ အမှတ်ရနေမည်ဖြစ်သော်လည်း ယနေ့အတွက်တွင်တော့ ထိုအခက်အခဲများကို ခေတ္တမေ့ထားလိုက်သည်။

ယနေ့တွင် ကျွန်တော်၏ ဟိုက်အကောင့်လေးအားဖွင့်လျက် တိုးတက်မှုလေးများအား စနည်းနာနေမိသည်။ လွန်ခဲ့သော တစ်လနှင့်နှိုင်ယှဉ်လျှင် တိုးတက်မှုရှိလာသည်။ ဟိုက်Wallet လေးသည်လည်း တဖြည်းဖြည်း ပိုက်ဆံအိပ်နှင့်တူလာသည်။ ယခင်က တစ်ပြားမှမရှိသော အိတ်ပိန်လေးသည် ယနေ့တွင်တော့ ကျပ်ဂဏန်းကို မြင်တွေ့နေရပါပီ။

ခုလို တိုးတက်မှုရရှိရန် ကျွန်တော်၏ စာရေးခြင်းအား အထောက်အကူဖြစ်စေသော RC အတွက် ပါဝါထောက်ပံ့ချေးငှားပေးသည့် ကိုဟင်အားလည်း ကျေးဇူးတင်နေမိသည်။ ကိုဟင်သာ ပါဝါငှားမပေးခဲ့လျင် ကျွန်တော့အနေနှင့် ပိုစ်တစ်ပုဒ်တင်ပီးလျင် RC ကုန်သွားကာ အားပေးသူမိတ်ဆွေများ၏ ကွန်မန့်ကိုပင် ပြန်လည် Replyပြန်ခြင်းပင် မပြုလုပ်နိုင်ပဲ ဝမ်းနည်းစွာထိုင်ကြည့်နေခဲ့ရသည်။

ထို့ကြောင့် ကျွန်တော်များ ဟိုက်အကောင့်များအတွက် အသက်ဆက်ရပ်တည်နိုင်သော ဟိုက်ပါဝါအား စဉ်ဆက်မပြတ် တိုးတက်လာရန် စုဆောင်းနေမည်ဟု ကျွန်တော်ဆုံးဖြတ်ထားသည်။ နောင်တစ်ချိန်တွင် မိမိကဲ့သို့ အကောင့်သစ်လေးများ ဒုက္ခရောက်နေလျှင် မိမိ၏ ပါဝါလေးများ တတ်စွမ်းသရွေ့ချေးငှားပီး ထိုသူအား ဟိုက်ရေလျှင်ကြောတွင် လိုက်ပါစီးမျှောခွင့်အား ကူညီပေးလိုက်မည်။

ယခုအချိန်တွင်တော့ အနည်းငယ်သောပါဝါလေးဖြင့် နေ့စဉ်ပိုစ်များတင်ရင်း တဖြည်းဖြည်း စုဆောင်းလာကာ ကိန်းဂဏန်းများကို စတင်မြင်တွေ့လာရ၍ ပျော်ရွှင်ရပါသည်။ ဆက်လက်၍လည်း ဟိုက်ရေပြင်ကျယ်ကြီးမှာ အတူဆက်လက်ကူးခတ်ကြရင်း နောက်လာမည့် သုံးနှစ်တွင် မြန်မာဟိုက်ကွန်မြူနတီကြီးသည် အခိုင်အမာရပ်တည်နိုင်ပီး ဖောင်းနေသော ပိုက်ဆံအိပ်များဖြင့် လူတိုင်းပြုံးရယ်နေကြမည်ကို မြင်ယောင်မိ ပါသည်။

ကျွန်တော်တို့ စိတ်ကူးများ အကောင်အထည်ပေါ်လာလျှင်တော့ ဟိုက်ပလက်ဖောင်းကြီးသည် ကျွန်တော်တို့အားလုံး၏ အနာဂါတ်အတွက် အားဆေးတစ်ခွက်ဖြစ်နေပါတော့မည်။

တစ်ချိန်တွင် Power များစွာ ပိုင်ဆိုင်သော၊ Token များစွာ ပိုင်ဆိုင်သော မြန်မာဟိုက်ဗ် ကွန်မြူနတီ အဖွဲ့သားများ ဖြစ်နိုင်ကြပါစေကြောင်း အားပေးမေတ္တာပို့ရင်း - ကျွန်တော်၏ ပိုစ်အား ခေတ္တ ရပ်နားလိုက်ပါမည်။